«Altyn Kargaly» отель-санаторийнде КИ балаларды тәулік бойы есту сөйлеу бейімдеудің екінші маусымы аяқталды.
Қазақстан Республикасы Еңбек және халықты әлеуметтік қорғау министрлігінің «Әлеуметтік оңалтуды дамытудың ғылыми-практикалық орталығының» қызметкерлері және шақырылған мамандар – сурдопедагогтар, логопедтер, психологтар балалармен бейімдеу сабақтарын өткізді. 15 күн бойы балаларды оңалту бағдарламасына сәйкес, әр баланың пайда болатын есту және сөйлеу функцияларына негізделген жеке қабілеттерін дамытуға барынша жағдай жасады.
Есту сөйлеу оңалтудың кезінде мұғалімдер әртүрлі іс-шараларды жүргізді:
- «Таланттар сандығы» музыкалық концерті;
- спартакиада;
- «Кохлеарлық импланты бар баланың қоғамда әлеуметтенуі» тақырыбында ата-аналарға арналған дөңгелек үстелі;
- спорттық эстафеталар өткізілді;
Алматы хайуанаттар бағы, «Көк төбе» саябағы және Дельфинарийге экскурсиялар ұйымдастырылды.
Материалдың фотосуреттері:
