Басып шығару

Қызылордада «Әлеуметтік оңалтуды дамытудың ғылыми-тәжірибелік орталығының» облыстық бөлімшесі ашылды

     Қызылорда қаласында кохлеарлы имплант жүйесі орнатылған балаларға әлеуметтік қызмет көрсету жұмыстарын оңтайландыру мақсатында 058 «Республикалық деңгейде халықты әлеуметтік қорғау және көмек көрсету, сондай-ақ әлеуметтік қорғау жүйесін жетілдіру және инфрақұрылымды дамыту» республикалық бюджеттік бағдарламасының 102 «Есту қабілеті бұзылған және кохлеарлы имплант жүйесі орнатылған балалардың есту-сөйлеу қабілетін оңалту» кіші бағдарламасы аясында оңалту орталығы ашылды. Орталықты ашуға «ӘОД ҒТО» Бас директоры Т.Нугуманов, Бас директор орынбасары С.Смайлова, ұйымдастыру-ғылыми бөлімінің басшысы А.Саякова және есту-сөйлеу қабілетін оңалту бөлімінің қызметкерлері зор үлес қосты.
     Облыстық бөлімшеде лицензияланған және куәліктендірілген мамандар қызмет атқарады. Олардың ішінде дефектолог және аудиологтар, сурдопедагог, логопед, психолог, лор-дәрігер (сурдолог) бар. Күндізгі қабылдау тәртібінде есту және сөйлеу қыбілеті бұзылған балаларға оңалтудың толықтай тізімі көрсетілетін болады. Атап айтар болсақ, баланың сөздік қорын дамыту, дауыс ырғағын қалыптастыру, есту қабілетін диагностикалау және баланың мүмкіншіліктерін жанжақты бағалау.
     Айта кетерлігі есту және сөйлеу қабілетін бұзылған және кохлеарлы имплантациядан кейінгі балаларға оңалту қызметін көрсету толықтай мемлекет қаражаты есебінен «Республикалық деңгейде халықты әлеуметтік қорғау және көмек көрсету, сондай-ақ әлеуметтік қорғау жүйесін жетілдіру және инфрақұрылымды дамыту» республикалық бюджеттік бағдарламасы арқылы жүзеге асырылады.

IMG 20190212 WA0000

IMG 20190212 WA0001

IMG 20190212 WA0003

«ӘОД ҒТО»
Баспасөз қызметі

Басып шығару

КИ ОРНАТЫЛҒАН БАЛАЛАРҒА ЖАҢА ЖЫЛДЫҚ МЕРЕКЕ

     Ағымдағы жылдың 14 желтоқсаны күні, Республикалық протездік-ортопедиялық орталықтың акт залында, Әлеуметтік оңалтуды дамыту орталығында бейімдеуден өтіп жүрген балаларға арналған жаңажылдық шырша мерекесі ұйымдастырылды. Мерекеге 40-тан астам балалар мен олардың ата-аналары, орталығымыздың педагог мамандары және де жетекшілгі қатысты. Ғылыми ұйымдастыру бөлімінің ұйымдастыруымен өткен шараға дәстүр бойынша Аяз Ата мен Ақшақар кейпіндегі әртістер, үй жануарлары циркінің және де неонды таяқшамен бишілердің көрінісі болды. Орталығымыз жылда жаңа жыл мерекесі қарсаңында балаларды қамқорлықтан тыс қалдырмай, өз тарапынан сыйлықтар тапсыруды дәстүрге айналдырған. Кеш соңында балалар Аяз атамен және ертегі кейіпкерлерімен естелік суретке түсіп, сыйлықтарды иеленді.

«ӘОД ҒТО»
Баспасөз қызметі

DSC 0355

DSC 0357

DSC 0366

DSC 0377

DSC 0396

Басып шығару

«Есту қабілетінің зақымдалуын диагностикалау және есту мүкістігі бар науқастарды оңалтуға бағытталған инновациялық технологиялар» мерейтойлық ғылыми-тәжірибелік конференциясы

     Ағымдағы жылдың 18-19 қазан күндері Мәскеу қаласында орналасқан «Золотое Кольцо» қонақ үйінде, Ресей ФМБА «Аудиология және есту протезін қолдану бойынша ресейлік ғылыми-клиникалық орталығының» 30-жылдығына арналған «Есту қабілетінің зақымдалуын диагностикалау және есту мүкістігі бар науқастарды оңалтуға бағытталған инновациялық технологиялары» атты мерейтойлық ғылыми-тәжірибелік конференциясы өтті.