Басып шығару

"ӘОД ҒПО" протездеу және протез жасау саласының мамандары өз қызметтеріне жаңа инновациялық тәжірибе енгізуде

ҚР ЕХӘҚМ "Әлеуметтік оңалтуды дамытудың ғылыми-тәжірибелік орталығының" протездеу және протез жасау саласы қызметіне 3D технологиясын енгізуі жайында «Qazaqstan» Ұлттық телеарнасының арнайы бейнесюжеті

 

Басып шығару

Елімізде протездер 3D технологиясымен шығарыла бастады

Жаңа жоба қазір Таразда қолға алынған.

Отандық өнімнің ерекшелігі, бұрынғыға қарағанда екі есе жылдам әрі сапалы. Тың бастаманы қазақстандық мамандар жүзеге асырып отыр. Әзірге аяқтың саннан төменгі бөлігі қолданысқа енген. Келешекте жасанды қол шығару жоспары бар. Протезді дайындау жұмыстары үш кезеңнен тұрады әрі толықтай компьютерленген жүйеде жасалады. Бастапқыда дене ерекшеліктеріне қарай сканерленіп, екінші кезеңде кескіндеу жүреді. Одан кейін арнайы принтер арқылы шығарылады. Ал қажетті материалдар бірнеше елден тапсырыс арқылы алынады. «Жаңа протездер мүмкіндігі шектеулі жандарға өте ыңғайлы», – дейді мамандар.

Мыңжасар Шұғайыпов, Әлеуметтік оңалтуды дамытудың ғылыми-практикалық орталығы директорының орынбасары:

– Анатомиялық барлық ерекшеліктері сақталғандықтан, дәлме-дәл келеді. Бірнеше рет өлшем жасау қажет емес. Және эстетикалық жағынан да бұл өте жеңіл. Сосын өнімділігі жылдамырақ істеледі.

 http://24.kz/kz/zha-aly-tar/o-am/item/207429-elimizde-protezder-3d-tekhnologiyasymen-shy-aryla-bastady

Басып шығару

«3D-протездеу технологиясы» тақырыбындағы дөңгелек үстел

2017 жылдың 17 қарашасында Алматы қалалық Жұмыспен қамту және әлеуметтік бағдарламалар басқармасының мәжіліс залында, «3D-протездеу технологиясы» тақырыбында дөңгелек үстел болып өтті. Жиынға «Әлеуметтік оңалтуды дамыту ғылыми-әдістемелік орталық» РМҚК директорының орынбасары М. Шугаепов, Алматы қаласы бойынша  еңбек, әлеуметтік қорғау және көші-қон Департаменті директорының орынбасары М. Алдамжарова және басқарманың ардагерлер мен мүгедектермен жұмыс бөлімінің бөлім басшысы Л. Абжанова, Алматы қаласы емханаларының травматологтары мен ортопед мамандары және протезді қажет ететін мүмкіндігі шектеулі жандар қатысты.

Дөңгелек үстелде 3D-протездеу технологиясының қыры мен қазіргі таңдағы мәні туралы айтылды. Аталмыш протездеу технологиясы туралы жан-жақты зерттеліп, адамға жоғарғы деңгейде қызмет көрсете алатындығы туралы дәлелді мысалдармен талқыланды

Алматы қалалық Жұмыспен қамту және әлеуметтік бағдарламалар басқармасы

                            

Басып шығару

Астанада «3D-протездеу технологиялары» атты шара өтті

Астана қаласы жұмыспен қамту, еңбек және әлеуметтік қорғау басқармасында бүгін «3D-протездеу технологиялары» тақырыбына арналған шара өтті деп хабарлайды Абай ақпарат агенттігі.

Кездесу барысында келушілер назарына 3D-протездеу технологиясы туралы бейнеролик көрсетіліп, жаңа әдістің мүмкіншіліктері мен ерекшеліктері егжей-тегжейлі түсіндірілді. Шараға медициналы-әлеуметтік сараптама мамандары, үкіметтік емес ұйымдардың өкілдері, протезге мұқтаж мүмкіндігі шектеулі жандар қатысты.