Басып шығару

Пайдалы кеңестер

Егер балаңызда кереңдік белгілері анықталса

DSC 0362

     Бала дыбыстарға мән бермейді, шақырғанға жауап бермейді, құлақтың қабынуымен ауырды, есту қабілеті толықтай қалпына келді ме деген сұрақтарға сурдолог дәрігерлер жиі жауап беруге мәжбүр.
     Бұрын дәрігерлер баланың есту қабілеті бұзылғандығын тек қана 2-3 жасында анықтай алатын. Қазір бұл патологияны перзентханада анықтауға болады. Осылайша, емдік шараларды ерте қолға алуға болады. Емді ерте бастаса, айығып кету мүмкіндігі артады. Баланың дыбыстарды естімеуінен бұрын оның миына сөздердің жетпеуі ауыр қатер болып табылады. Сөздерді есту арқылы ақпаратты қабылдау, сөйлесу, басқа адамдармен қарым-қатынасқа түсу, оқу, ойлау қабілетін дамытуға болады. Сонымен қатар сөйлеу арқылы бала жақсы мен жаманды ажырата алуы мүмкіндігіне ие болады. Осы себепті, егер баланың есту қабілеті нашарласа сөйлеу және ой-өрісі тежеледі. Диагнозды қоюдағы баланың жас мөлшері және есту қабілеті бұзылған балаға көмек көрсету «сыни» кезеңге байланысты. Бұл кезең 3 жасқа дейін, осы уақытта баланың миындағы сөйлеу орталықтары белсенді дамиды.
     Есту қабілеті бұзылған есту аппараты және КИ орнатылған балаларды бақылау арқылы, мамандар есту орталықтарының «сыни» кезеңі бір жасқа дейін екенін анықтаған болатын. Егер де біз есту қабілеті нашар дамыған немесе керең балалардың есту мүмкіндігін бір жасқа дейін дамытпасақ, оның сөздерді қалыпты жағдайдағы балалар секілді түсініп, ортаға енуі қиынға соғады.
     Ересектердің міндеті – мамандардың (дәрігерлер, сурдопедагогтар) және ата-аналардың, барынша ерте есту қабілеті нашар дамыған балаларға көмек көрсету. Бұл қазіргі таңда қолдан келеді.
     Егер Сіздің балаңыздың есту қабілеті дамымай тұрса немесе нашарласа біздің Орталық мамандары балалар мен ересектердің есту қабілетіндегі ауытқуларын терең зерттеуге қол ұшын беруге дайын.

Біздің сурдолог-дәрігер: жоғары санатты оториноларинголог Крымова Манара Илесовна

Сөйлеу процессорларын дұрыс пайдалану ережелері және оны қашан және неліктен ауыстыру қажет

Help Support

Жаңа туған баланың есту қабілетін тексеруге және есту мүшесінің даму үдерісін дұрыс бақылауға арналған пайдалы нұсқаулық

 

Емделуші тұлғаларға протездік-ортопедиялық бұйымдарды дұрыс қолданып, арнайы жаттығулар ұсыну жөніндегі нұсқаулық